غزل منی بو حالدا دیندیرمه، پریشاندیر چوخ افکاریم یامان آشفته دیر فیکریم، پوزولموش سانکی پرگاریم یاتیر قلبیم، چیخیر جانیم، کشاکشدیر وجودومدا دولوب غم له وجودوم، یوخدور اما بیرجه غمخواریم سیخینتی آز قالیر بوغسون، اوره ک چیرپینمادان دوشمور بوجان مولکونده وور – های دیر، کی الدن گئتدی دلداریم یوروش ائتدی سپاه غم، آلیبدیر دووره می محنت امان وئرمیر تاپام فرصت، توکندی صبریم، اینجاریم یئنه بوندان بئله جانا! اومیدیم وار ئیتم وصله نه قدری جاندا جانیم وار، سنیله واردیر ایلقاریم بو دوزدور بورجلویام یا رب سنه بو جانی، مهلت وئر منیم ده واردیر انصاف سیز، مروت سیز بدهکاریم منه گونده اولوم ایستیر بوگون ناکس بدهکارلار فقط ساغلیق – سلامتلیک منه ایستیر طلبکاریم
بازگشت به بالا
Kurtoglu	01/26/11
اوز ائیلیمیز خوشدور یئنه صحبت ائله یک اوز ائلیمیزدن اوز اولکه میز، اوز میلتیمیز، اوز دیلیمیزدن تیتریر عوامین گونبذی، بیر گون یاتاجاقدیر محکم یاپیشارلار یئنه اوندا میلیمیزدن بیرگون بیزی بواولکه ده سین – سین آرایارلار کامفت بیشیررلر یقین اوندا زیلیمیزدن باشلاریمیزی شئر باشینا اوخشادان حالدا یوکلر چکلیر کرگدن ایله فیلیمزدن بیرگون بیزی دونیا، گول و بولبول له تانیردی بو گونده تانیر کور، کئچل ایله، شیلیمزدن دونیا بئله اوژدور کی اودوخموش، آجالیبدیر ال چکمه یه جک آغ، قارامیزدان، چیلیمزدن قوردا گئدن ایتلرده کی یوخ ائل – اوبامیزدا قوردلار آپارار، شنگیلیمیز، منگیلیمیزدن بیرگون آچیلار باغلی دیل، اوز دردینی سویلر درمان آپارار دارچینیمزدان، هئلیمیزدن فرصت طلب ایندی تیخیری برگه کبابین بیرگون داداجاق «یالقیز» آجی فیلفیمیزدن
بازگشت به بالا
Kurtoglu	01/26/11
شانلی آذربایجان عشقینله قلبیم چیرپینیر داییم آی آذربایجان عشقین گویونده سن گونش من ده آی آذربایجان سنین آنایوردوم منیم، خوشدور منیم سنلن گونوم سن سیز نفس چکسم منه اولسون وای آذربایجان المعتصم لر ایسته سه حاکم اولا تزویر ایله داغلاردا بابک لر کیمی، ساللام های آذربایجان وار چوخ بویوک قوربانلارین «ستار» کیمی سردارلارین من یاده ساللام بیربه بیر، سن ده سای آذربایجان سینَمده آنجاق عشقین سونمز اودویلا، ایستی یَم قیش گونلری اولموش منه سانکی یای آذربایجان من هانسی اولچویله سنی اولچوم، قضاوت ائله ییم دونیاده هئچ بیر یئر سنه، اولماز تای آذربایجان جانیمدا جان وار بورجلویام وئردیکلرین نعمتلره جان ایسته سن قوربانلیغا، وئررم پای آذربایجان « من داغلارا سالدیم سنی» داغلاردا قایتارسین سنه سن ده اونو قالدیر گویه، عرشه یای آذربایجان حق اوسته جانیندان گئچن، شانلی ایگیدلر یوردوسان قویمازلار اولسون ائللرین حقی ضای آذربایجان «یالقیز» دا عاشیقدیر سنه عاشیق اولان عاشیق لره عشقیم، حیاتیم، وارلیغیم، سنسن آی آذربایجان
بازگشت به بالا
Kurtoglu	01/26/11
گونون غزلی عومرومون لاپ خسته یاتان گونلری دی بئلینه غم یوکونو چوخلو چاتان گونلری دی یازیغین داشقاسی چوتموش، قیچی سینمیش آتی نین چئوریلیب تختی آشیب، یئرده یاتان گونلری دی حیاتین سون چاغی، گون لر ده بولودلوقدا کئچیر بختینین اولدوزو گویلرده باتان گونلری دی شیطانین نوخدا قیران قاطیری، سونجوقلاماقدا هر یئری بنده ووروب، شیللاق آتان گونلری دی گوزلیم وار – یوخونو نرد هوسده اودوزوب گوز تیکیبدیر شَتَله، چورتگه قاتان گونلری دی منی بو اورتادا ائتمیش او گوناهکار، ایشه باخ آختاریر بیر باهانا، غشی توتان گونلری دی! شئخ سلیم لر بازاری ایستی دی تندیرلر تک ال ائنینده کبابی لوپ – لوپ اوتان گونلری دی یالقیز اوز شعر اوجاغیندا بیشیرنده بو سوزو قصاب ائششک اتینی خلقه ساتان گونلری دی 14/10 64
بازگشت به بالا
Kurtoglu	01/26/11
نه دئیرلر؟ مین دردین اولا، اولمایا درمان، نه دئیرلَر؟  او دردلره لقمان قالا حیران، نه دئیرلَر؟ بو درده دوشوب نازلی تکذ ده دئییر هذیان هذیاندا ائدیب بو سوزو عنوان، نه دئیرلَر؟ بیردن ایتیمین قورد داییسی گلسه سفردن بیز ائتمه سک بیر قوزو قوربان، نه دئیرلَر؟ یا کی پیشیگی همسایانین دوغسا بیر اوغلان بیر قوچ جیگری ائتمه سک احسان، نه دئیرلَر؟ دامادیمیزا ائیلَمه سک پئشکش آچاری بیر صیفر کیلومترلی پیکان، نه دئیرلَر؟ بیز عمقیزی یا، توی پایی لیق آلماساق ایندی بیر تخته پتو مخمل کاشان ، نه دئیرلَر؟ ائل – طایفا یانیندا داها باش قووزاماق اولماز ایندی دئمه سینلر بیزه، سوندان نه دئیرلَر؟ گولچهره گتیرسه منه بیر توی پای دونلوق قوربان اونا گر ائیلمه سک جان، نه دئیرلَر؟ بیزده اولارا آلماساق آیا، عوضینده هئچ اولماسا یبر دست چینی فنجان، نه دئیرلَر؟ گولگز باجی، سو چیگنیمه گر توکسه حامامدا بیر دونلوق اونا آلماساق ارزان، نه دئیرلَر؟ یا قونشولارین اوغلو دادار دورسا، ائشیتسه وورسا قولاغ آیدینلیغا انسان، نه دئیرلَر؟ تاجیرلری بیرگون ناهار، سن ده چاغیرسان یوخدور گوره لر ماهی بریان، نه دئیرلَر؟ آددیملارین آتدیقجا، آتارلار حساب اوسته بیر دسته چکیب، گسله سه مهمان، نه دئیرلَر؟ یاغ یوخ، دویو یوخ، اَت ده باها، قند کوپن دیر ائودن سوسوز- آج گر گئده مهمان، نه دئیرلَر؟ بس دیر داها، سس سالما، دئدیم نازلی توکذبان بو سوزلره جز سرسم و هذیان، نه دئیرلَر؟ بو سوزلره خاطیر بوشاسا آروادی، ارلر اوندا بو ایشه فرقه نسوان، نه دئیرلَر؟ مینلرجه بوجور واردی سئوال، اولسا جوابی گر اولماسا من یوخ، سیزی قرآن نه دئیرلَر؟ آغلار اوره گیم، گولدورورو خلقی گورورسن بو حالدا منی توتسا بیر آژدان، نه دئیرلَر؟ ایتگین گزیرم، چوخ آراییب – آختارانیم وار تاپسا آرایانلار منی هر آن، نه دئیرلَر؟ بوندان بئله، لازیمدی کی خلق ایله قوووشماق من تک قالاسیز، «یالقیز» دووران، نه دئیرلَر؟
بازگشت به بالا
Kurtoglu	01/26/11
اولسون  دیار جسم و جانیمدا یاخیندیر انقلاب اولسون چکیب ال ایشدن اعضاءلر، بویوک بیر اعتصاب اولسون قوپور شورش وجودومدا، تشنج چوخدو داخلده حیات ایستیر سونا چاتسین، بوتون آرزیم سراب اولسون نه فرمانداری مغزیم، نه استانداری قلبیم هم آهنگ ایشله میرلر، چون نظروار اضطراب اولسون بیرعده آنلاماز سلول یاراتمیش قورخو جانیمدا قاتیرلار قانیما قندی، فشاریم بی حساب اولسون اوره ک آغریر، کوسورمعده م مرتب وورمورو قلبیم کی ایسترلر خراب حالیم، خراب اندر خراب اولسون کبابی وعده وئرمکدن بو زخم معده مه، آخیر یانار کن نار حسرتده، اوزو ایستیر کباب اولسون بو دونیام کی عذاب اولدو، ایلاهی سن کی شاهد سن ایکی دونیاده بیر روحه بو انصافدیر عذاب اولسون بیر آلتمیش- یئتمیش ایل عومره بو منتلر نه لازیمدیر دئییرم درد هوولوندن گوناه اولسون، ثواب اولسون طبیبیم، سن اولان یئرده قالیم من درده درمانسیز یورولموش خسته جانیمدا روادیر التهاب اولسون؟ بو من، بو دفتر عومروم، محاسب لر حساب ائتسین نه قورخوم وار قیامتده حساب اولسون، کتاب اولسون یتیم مالی ایله بیت المال یئیَنلر خوف ائتسینلر چکیلمیش آه لاردان کی، دونوب بیر گون شهاب السون اومیددن ناامید اولما، بو گونلرده کئچر «یالقیز» اومیدیم واردی کی بیرگون دعالار مستجاب اولسون
بازگشت به بالا